Det vert også denne hausten og våren Hardingfolk-samlingar, hurra! Stad og datoar er bestemt, føl med på facebook for detaljert informasjon om lærarar og anna når samlingane nærmar seg. 

I tillegg til sundagsøvingane vert det også danseøvingar for vaksne på torsdagar
Torsdagar: 18.00 - 19.30
Sundagar: 17.00 - 18.30

Sundagar er det øvingar for alle i Hardanger Spelemannslag. Øvingane føregår i hovudsak i ungdomshuset Trudvang i Granvin. Trykk på biletet for oversikt over datoar og timeplan for dagen. Vel møtt, dette er kjekt!

Knut Hamre fylte 70 år den 3.mars 2022. Knut har med hardingfela representert Hardanger i ein mannsalder og har lagt ned eit enormt rekrutteringsarbeid i omlag 40 år, noko han held fram med den dag i dag! Hardanger Spelemannslag ynskjer å heidra og feira Knut og steller i stand konsert og dans i Trudvang laurdag 3.desember. Granvin Ungdomslag er med på laget og skal stå for matsalet.

Hjarteleg velkomne, alle saman!

Det vert øvingar i laget i Trudvang, ungdomshuset i Granvin. Sjå bilete for tider og datoar. Nytt i haust er at det er danseøvingar for både born og vaksne, i tillegg til speleøvingar. Kom vert med, dette er kjekt!

Felespelar Halldor Meland (1884 – 1972) vert heidra med stor konsert på Hardanger folkemuseum fredag 1. april kl 19.30. Dette i samband med at over hundre år gamle Halldor Meland-innspelingar no har vorte restaurerte og gjevne ut på cd. Meland var ein svært sentral spelemann på 1900-talet, som både komponerte eigne slåttar og fornya det gamle slåttespelet.

Klikk på lenka for å få opp program og prisar for helga!

Det er atter ei gong duka for folkemusikkhelg i Granvin og Hardanger Spelemannslag steller i stand "Dans, spel og song - alt pao ei gong", eit kurs på Granvin barne- og ungdomsskule i folkemusikk og folkedans. På fredagen vert det konsert på Jaunsen med Svein Laingen Kjerland og Eivind Tanche-Larsen Knutsen, og på laurdagen vert det dans til GJEVRE/ODDE/VÅRDAL. Hardanger Spelemannslag vonar at dette vert ei særs triveleg helg med mykje folk og god stemning.